viernes, 7 de diciembre de 2018

Erakustaldia eta omenaldia


          Bigarren urtez jarraian, merkatu plazako beheko aldea, omenaldiak egiteko gune bilakatuko da. Aurten, Zuriñe Agirre hil berri den artisau gasteiztarraren lanak izango dira ikusgai; izan ere, asmoa dugu omenaldia eta agur beroa egiteko.

Figura bitxiak egiten zituen Lur Keramikaren alma mater honek, euskal pertsonaia tipikoak irudikatzen dituztenak eta Gabonetako jaiotzan ipintzekoak, esaterako Olentzero eta Mari Domingi. Eraikitzen zituen eszenak xehetasunez beteak ziren, eta bere eskaparatea izan zitekeen Andre Maria Zuriaren plaza bete-beterik txupinazo egunean, Zeledon bertan zela, edo Iruñako Udaletxe plaza uztailaren 7an.

           Hala ere, Zuriñe Agirreren imajinazioa eta maisutasuna aipatutakoa baino handiagoa zen; izan ere, Vitoria-Gasteizen, bere hirian, kirol gertakizunen bat izaten zenean, horretara bideratzen zuen bere sormena, eta buztinezko kirolariak diseinatzen zituen.

         Gasteizko alde zaharreko Txikita kaleko bere lokaletik urteetan Euskal Dendaren ardura izan zuen; orain ohorezko agurra egin nahi diogu.


No hay comentarios:

Publicar un comentario